• MFERuz new building
  • MFERuz new2 building
  • MFERuz new3 building

Yangiliklar

16.04.2016 | 12:47 Yaxshi qo‘shnichilik va azaliy do‘stlikka asoslangan hamkorlik izchil rivojlanmoqda
Avval xabar qilinganidek, O‘zbekiston Respublikasi Prezidenti Islom Karimovning taklifiga binoan Qozog‘iston Respublikasi Prezidenti Nursulton Nazarboyev 14-aprel kuni amaliy tashrif bilan mamlakatimizga keldi. Tashrifning asosiy tadbirlari 15-aprel kuni Ko‘ksaroyda bo‘lib o‘tdi. Islom Karimov va Nursulton Nazarboyev muzokaralar chog‘ida O‘zbekiston va Qozog‘istonning turli sohalardagi hamkorligining bugungi holati va uni rivojlantirish istiqbollarini muhokama qildilar, mintaqaviy va xalqaro ahamiyatga molik dolzarb masalalar yuzasidan fikr almashdilar. Prezidentimiz Qozog‘iston Prezidentini yurtimizga ushbu tashrifi bilan qutlab, bu oliy darajadagi muloqotlarning izchil davomi ekanini ta’kidladi.
15.04.2016 | 10:35 Shanxay hamkorlik tashkilotiga a’zo davlatlar Xavfsizlik kengashlari kotiblarining o‘n birinchi yig‘ilishi to‘g‘risida axborot
Toshkentda 2016-yil 13-14-aprel kunlari O‘zbekiston Respublikasi raisligida Shanxay hamkorlik tashkilotiga (ShHT) a’zo davlatlar Xavfsizlik kengashlari kotiblarining o‘n birinchi yig‘ilishi bo‘lib o‘tdi. Unda Qozog‘iston Respublikasi Prezidentining yordamchisi – Xavfsizlik kengashi kotibi N.Ermekbayev, Xitoy Xalq Respublikasi Davlat kengashi a’zosi Go Shenkun, Qirg‘iziston Respublikasi Mudofaa kengashi kotibi T.Jumaqodirov, Rossiya Federatsiyasi Xavfsizlik kengashi kotibi N.Patrushev, Tojikiston Respublikasi Xavfsizlik kengashi kotibi A.Qahhorov, O‘zbekiston Respublikasi Prezidenti huzuridagi Xavfsizlik kengashi kotibi V.Mahmudov, shuningdek, Shanxay hamkorlik tashkiloti Bosh kotibi R.Alimov va ShHTning Mintaqaviy aksilterror tuzilmasi (MATT) Ijroiya qo‘mitasi direktori Ye.Sisoyev ishtirok etdi.
15.04.2016 | 10:30 ShHTga a’zo davlatlar delegatsiyalari rahbarlari bilan uchrashuv
O‘zbekiston Respublikasi Prezidenti Islom Karimov 14-aprel kuni Shanxay hamkorlik tashkilotiga a’zo davlatlar Xavfsizlik kengashlari rahbarlari, shuningdek, ShHT Bosh kotibi va ShHT Mintaqaviy aksilterror tuzilmasi Ijroiya qo‘mitasi direktori bilan uchrashdi. Davlatimiz rahbari mehmonlarni samimiy qutlar ekan, Shanxay hamkorlik tashkiloti o‘zining o‘n besh yillik faoliyati davomida nufuzli va samarali xalqaro tashkilot sifatida mustahkam qaror topganini, uning faoliyati tinchlik, barqarorlik va xavfsizlikni mustahkamlash, ShHTga a’zo davlatlarning izchil ijtimoiy-iqtisodiy rivojlanishini ta’minlash sohasida ushbu tashkilotga a’zo mamlakatlar oldida turgan umumiy vazifalarni hal etishga xizmat qilayotganini ta’kidladi. O‘zbekistonning tashkilotga joriy raisligi davrida a’zo davlatlarning birgalikdagi harakatlari bilan ShHT doirasida, avvalambor, hozirgi kundagi xavfsizlikka tahdid va xavf-xatarlarga qarshi kurashish borasida ko‘p qirrali o‘zaro manfaatli hamkorlikni mustahkamlash va rivojlantirishga qaratilgan izchil ishlar amalga oshirilmoqda. Shanxay hamkorlik tashkiloti Davlat rahbarlari kengashining Toshkent shahrida o‘tadigan navbatdagi yubiley yig‘ilishi har tomonlama mazmunli va samarali bo‘lishiga alohida e’tibor qaratilmoqda. O‘zbekiston tashabbusi bilan 2004-yilda tashkil etilgan, ShHTning muhim va samarali instituti bo‘lgan Xavfsizlik kengashlari kotiblarining yig‘ilishi tashkilot organlari va mexanizmlari tizimining ajralmas qismi bo‘lib, tashkilot hududida xavfsizlik va barqarorlikni mustahkamlash bo‘yicha tomonlar faoliyatini muvofiqlashtirib borishda muhim vazifani bajarib kelmoqda.

Vazirlik tadbirlari

06.04.2016 | 17:31 Yaponiya tashqi ishlar vazirining parlamentdagi o’rinbosari bilan bo’lib o’tgan uchrashuv to’g’risida
29.03.2016 | 18:06 Eron Islom Respublikasi elchisi bilan bo’lib o’tgan uchrashuv to’g’risida
29 mart kuni Tashqi iqtisodiy aloqalar, investitsiyalar va savdo vazirligida Eron Islom Respublikasining O`zbekiston Respublikasidagi Favqulodda va Muxtor elchisi Bahman Agarazi Dormani bilan uchrashuv bo’lib o’tdi.
28.03.2016 | 17:58 Frantsiyaning Favqulodda va Muxtor elchisi bilan bo’lib o’tgan uchrashuv to’g’risida
28 mart kuni Tashqi iqtisodiy aloqalar, investitsiyalar va savdo vazirligida Frantsiyaning O`zbekiston Respublikasidagi Favqulodda va Muxtor elchisi Jak-Anri- Els bilan uchrashuv bo’lib o’tdi.