• MFERuz new building
  • MFERuz new2 building
  • MFERuz new3 building

Yangiliklar

08.02.2017 | 12:41 O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida
O‘zbekiston Respublikasi Prezidentining farmoni Mamlakatimizda mustaqillik yillarida amalga oshirilgan keng ko‘lamli islohotlar milliy davlatchilik va suverenitetni mustahkamlash, xavfsizlik va huquq-tartibotni, davlatimiz chegaralari daxlsizligini, jamiyatda qonun ustuvorligini, inson huquq va erkinliklarini, millatlararo totuvlik va diniy bag‘rikenglik muhitini ta’minlash uchun muhim poydevor bo‘ldi, xalqimizning munosib hayot kechirishi, fuqarolarimizning bunyodkorlik salohiyatini ro‘yobga chiqarish uchun zarur shart-sharoitlar yaratdi.  Iqtisodiyotda ma’muriy-buyruqbozlikka asoslangan boshqaruv tizimidan mutlaqo voz kechilib, bozor islohotlari bosqichma-bosqich amalga oshirilgani va pul-kredit siyosati puxta o‘ylab olib borilgani makroiqtisodiy barqarorlikni, iqtisodiyotning yuqori sur’atlar bilan o‘sishini, inflatsiyani prognoz ko‘rsatkichlari darajasida saqlab qolishni ta’minladi hamda kichik biznes va xususiy tadbirkorlik, fermerlik harakatini rivojlantirish uchun keng imkoniyatlar va qulay sharoitlar yaratilishiga xizmat qildi.  Ayni vaqtda mamlakatimiz bosib o‘tgan taraqqiyot yo‘lining chuqur tahlili, bugungi kunda jahon bozori kon’yunkturasi keskin o‘zgarib, globallashuv sharoitida raqobat tobora kuchayib borayotgani davlatimizni yanada barqaror va jadal sur’atlar bilan rivojlantirish uchun mutlaqo yangicha yondashuv hamda tamoyillarni ishlab chiqish va ro‘yobga chiqarishni taqozo etmoqda. 
08.02.2017 | 12:35 Tibbiyot sohasini zamon talabi darajasida takomillashtirish inson manfaatlarini ta’minlashga xizmat qiladi
Prezidentimiz Shavkat Mirziyoyev 2017-yil 5-yanvar kuni sog‘liqni saqlash sohasi mutaxassislari bilan uchrashib, ushbu tizimni takomillashtirish, muammo va kamchiliklarni bartaraf etish bo‘yicha ko‘rsatmalar bergan edi. Xalqimiz salomatligi, ayniqsa, yosh avlod kelajagiga daxldor bu soha Prezidentning doimiy e’tiborida bo‘lishini alohida ta’kidlagandi.  Davlatimiz rahbari mamlakatimiz hududlariga safari chog‘ida qishloq vrachlik punktlari va klinikalarda bo‘lib, shifokor va bemorlar bilan muloqot qilmoqda. Bu Prezidentimizning mazkur sohaga – xalqimiz salomatligiga doimiy e’tiboridan dalolat beradi.  O‘zbekiston Respublikasi Prezidenti Shavkat Mirziyoyev raisligida 7-fevral kuni 5-yanvardagi majlisda belgilangan vazifalar ijrosi, sog‘liqni saqlash tizimidagi muammolar va sohaning rivojlanish istiqbollariga bag‘ishlangan videoselektor yig‘ilishi bo‘lib o‘tdi. 
05.02.2017 | 17:24 Asosiy maqsadimiz – aholiga qulay sharoitlar yaratish, xalqimiz farovonligini yanada yuksaltirishdir
Prezidentimiz Shavkat Mirziyoyev 3-fevral kuni Toshkent shahrida amalga oshirilayotgan bunyodkorlik ishlari va yirik loyihalar bilan tanishdi.  Mamlakatimiz taraqqiyoti ulkan bunyodkorlik ishlariga asos bo‘lmoqda. Shaharu qishloqlarda yangi sanoat korxonalari, ijtimoiy inshootlar, turar joylar, yo‘l va ko‘priklar barpo etilmoqda. Tadbirkorlik, savdo va maishiy xizmatlar keng rivojlanib, aholi turmush darajasi oshib bormoqda.  Prezidentimiz tomonidan ilgari surilgan 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi loyihasi ushbu islohotlar samarasini oshirish, mamlakat va jamiyat rivojini yangi bosqichga ko‘tarishga qaratilgan. 

Vazirlik tadbirlari

09.02.2017 | 16:24 Chexiya Respublikasi deputatlar palatasi raisi Y.Gamachek bilan bo`lib o`tgan uchrashuv to`g`risida
Joriy yilning 9 fevral kuni Tashqi iqtisodiy aloqalar, investitsiyalar va savdo vazirligida Chexiya Respublikasi deputatlar palatasi raisi Yan Gamachek bilan uchrashuv bo`lib o`tdi.
06.02.2017 | 15:18 YRRB delegatsiyasi bilan bo`lib o`tgan uchrashuv to`g`risida
Joriy yilning 6 fevral kuni TIAISVda Yevropa rekonstruktsiya va rivojlanish bankining Markaziy Osiyo va Rossiya bo`yicha boshqaruv direktori N.Xanjikova boshchiligidagi delegatsiya bilan uchrashuv bo`lib o`tdi. Uchrashuv chog`ida ikki yoqlama investitsiyaviy va moliya-texnikaviy hamkorlikning joriy holati va istiqbollari muhokama qilindi.
01.02.2017 | 16:33 Navbatdagi O`zbekiston-Amerika savdo palatasining yig`ilishi
1 fevral kuni Toshkent shahrida navbatdagi Amerika-O`zbekiston savdo palatasining (AO`SP) yig`ilishi bo`lib o`tdi. Tadbirda amerikaning 30 dan ortiq “Djeneral Motors”, “Kameko”, “Xonevell”, “Djeneral Elektik”, “Keys Nyu Xolland”, “Katerpillar”, “Djon Dir”, “Koka-Kola” kabi yetakchi kompaniya vakillari ishtirok etishdi.  Tadbir davomida O`zbekiston va Amerika kompaniyalarining mashinasozlik, avtomobilsozlik, farmatsevtika, neftegaz va neftkimyo, kimyo sanoati, elektron va elektrotexnika mahsulotlari ishlab chiqarish, oziq-ovqat, ta’lim va boshqa sohalarda ikki yoqlama hamkorlik istiqbollariga bag`ishlangan prezentatsiyalar taqdim etildi.